Konfetti
Musik und Text: Burghardt Wegner / „Grünschnabel“, Okapi-Musik

Morgen is een Fest för Kinner, / denn bruuk ick, so as jümmer
lüttje Punkte ut Papeer, / leever hunnert as blos veer!
Bunt un rund un ganz ganz fien / möten disse Dinger sien.
Kloor, dat jeedeen von ju weet, / wodennich de Kram woll heet,
äh, Kon-fetti, Kon-fetti, Kon-fetti, Kon-fetti.

Irgendwo weer dor ja / noch een Tuut, o hauaha!
De is natt un de kleevt. / Dat deit mi nu bannich leed!
Hett de Köter wol vullsabbert, / mit sien Schnuut hell inschlabbert.
Harr he meist noch opfreeten. / De kannst du woll nu vergeeten,
de Tutt vull mit Kon-fetti, Kon-fetti, Kon-fetti, Kon-fetti.

Ick heff keen Konfetti mehr! / Wo bekaam ick blos wat her?
Nu ward mi trurich to moh, / denn hüüt hett de Koopmann to!
Ick kann dat ok sülven probeern, / mi Konfetti fabrizeern.
Keen Problem! - Blos een Scheer / un denn noch ganz veel Papeer.
Ick bastel mi Kon-fetti, Kon-fetti, Kon-fetti, Kon-fetti.

Denn dörchstöver ick de Stuven. / Jümmer luder ward mien Fluchen.
Bunte Bläder find ick nich. / Dat is wirklich argerlich!
De Tapeten lat ick kleeben, / denn sonst könnt ick wat beleven.
Klopapeer finn ick nich fien. / Dat mutt schon wat Buntes sien
för mien Kon-fetti, Kon-fetti, Kon-fetti, Kon-fetti.

As ick Mudder darnah frag, / fördert se Papeer to Dag.
Allens wat man bruggen kann / un ick fang to schnippeln an.
Mann, dat duert, een ganze Stund / schnied ick Punkte, de sind rund,
winzig bunte Fitzerdinger. / Heff schon Blaasen an de Finger
vun dat Kon-fetti, Kon-fetti, Kon-fetti, Kon-fetti.

„Worüm nimmst du denn keen Locher?“ / fraagt mien Vadder, un ick stocher
in de Schrievdisch-Schuufelaad, / dor licht een för mi parat.
Damit is nich so veel los! / Is he twei or klemmt he blos?
Dat licht doran, de is ganz vull - / mit Konfetti!!! - Dat is dull!!!
Nu heff ick Kon-fetti, Kon-fetti, Kon-fetti, Kon-fetti.
Kon-fetti, Kon-fetti, Kon-fetti, Kon-fetti.

---
Hochdeutsche Version v.d. CD/MC „Grünschnabel - Konfetti unterwegs“, 2001/02

Plattdeutsche Version von der CD "Grünschnabel / Burghardt Wegner -Versöök dat mal!",

2003.

Alle Rechte: Burghardt Wegner & Okapi-Musik, 2002